વિચાર જગત

મને તો બસ આમ જ…

17 Jan 2011 Leave a Comment

by Jagat in સ્વરચિત (પદ્યાંશ) Tags: ઉતરાયણ, તુક્કલ, દોરી, પતંગ, પ્રતિકકાવ્ય, મને તો બસ આમ જ, વાયરો

વાયરો:

તને મારા સહારે ગગનમાં વિહર્યાનો,

મને તો બસ આમ જ રંગબેરંગી અવકાશી ગુલદસ્તો પાથર્યાનો આનંદ છે.

પતંગ:

તને અવકાશી કુરુક્ષેત્રમાં દાવ પેચ કર્યાનો,

મને  તો  બસ  આમ  જ   ઊંચે  ને  ઊંચે  ઉડ્યાનો  આનંદ છે.

દોરી:

તને ઢીલ ને પછી તરત ખેંચ માર્યાનો,

મને તો બસ આમ જ ભૂ-નભ ને પ્રેમના તાંતણે જોડ્યાનો આનંદ છે.

તુક્કલ:

તને દોરીના માર્ગે સળગતો ભપકો કર્યાનો,

મને તો બસ આમ જ ઘોર અંધકારમાં પણ બળી જઇ ટમટમતા રહ્યાનો આનંદ છે.

- જગત અવાશિયા