About Me (મારા વિષે )

નામ: જગત નિરુપમ અવાશિયા

ઈ-મેલ : vicharjagat@gmail.com

મારો જન્મ વડોદરા માં, બાળપણ(ધો. ૩ સુધી) પસાર થયું ખેડા જીલ્લા માં આવેલ ધુવારણ ખાતે અને ત્યાર પછી વડોદરા ખાતે. સાહિત્ય અને સંગીત ને પ્રેમ કરતા શીખવ્યું માતા-પિતા એ.ધો. ૩ માં જાહેર માં સ્ટેજ પર બોલવાનો પ્રથમ પ્રયાસ અને તે દિન થી આજ દિન સુધી લગભગ દોઢ દાયકા જેટલા સમયમાં ૧૦૦ થી પણ વધુ વકતૃત્વ સ્પર્ધા/નિબંધ સ્પર્ધા/નાટ્ય સ્પર્ધા/સંગીત સ્પર્ધા માં ભાગ લીધો. આ સિવાય ગઝલો સાંભળવી,internet પર મારા શોખ ના વિષયો પર ખેડાણ કરવું ,ફોટોગ્રાફી, પ્રવાસ કરવો  એ મારા શોખ ના વિષયો !

મેં બી.ઈ (કોમ્પ્યુટર) [with distinction] ગુજરાત યુનીવર્સીટી(૨૦૦૯)માંથી પાસ કર્યું અને બ્લોગ લખવાનો વિચાર એ સમયથી જ મારા મગજ માં ચાલી રહ્યો હતો , પણ તે અમલ માં મુકતા થોડો સમય વીતી ગયો. ખેર, ’देर से आये मगर दुरस्त आये !’ આમ તો છેલ્લા વર્ષો માં સાઈબર જગત માં ઘણા બધા બ્લોગ્સ લખાયા અને તે પણ ખાસ કરી ને Regional Languages માં. (Thanks to Unicode font support provided by Google..Thank you very much Google !! )

મારો બ્લોગ રચવા પાછળ નો હેતુ મને ગમતી રચનાઓ ઓ ને સંકલિત કરવાનો અને મેં લખેલ રચનાઓ(ગદ્ય  અને પદ્ય) ને સાહિત્યપ્રેમી  જનતા સુધી પહોચાડવાનો છે. આપના સૂચનો/અભિપ્રાયો/સલાહો (positive and/or Negative) ની અપેક્ષા રાખું છું.

મારા વિષે કંઈક લખવાનો પ્રયાસ મેં પદ્યાંશ સ્વરૂપે કરેલ છે,આપના પ્રતિભાવો ની અપેક્ષા રાખું છું.

મારા વિષે, મારા શબ્દો માં :

પણ પહેલા એક માણસ છું….

સોફ્ટવર ને ડેવલપ કરતો એન્જીનીયર છું,પણ પહેલા એક માણસ છું.

મેનેજમેન્ટ ના પાઠ ગણતો મેનેજર છું,પણ પહેલા એક માણસ છું.

મારી ભાષા ને દિલ થી ચાહતો ચાહક છું,પણ પહેલા એક માણસ છું.

સંગીત ના સ્વરો ની સાધના કરતો સાધક છું,પણ પહેલા એક માણસ છું.

વિષય ના હાર્દ સુધી પહોચતો વિચારક છું,પણ પહેલા એક માણસ છું.

કલાનો ખરો પૂજારી એવો કલાકાર છું,પણ પહેલા એક માણસ છું.

માણસની વ્યાખ્યા તો આ માણસે જ બદલી નાખી,

પણ ‘જગત’ ને નિસ્વાર્થ પ્રેમ કરતો ખરો માણસ છું.

- જગત નિરુપમ અવાશિયા

(તા. ૨૦-૧૧-૨૦૦૯,૧૨.૩૦ AM)

(પ્રથમ પદ્યાંશ )